இரண்டரை விழுக்காடு
ஏழைக்குக் கொடுத்தால்
தொன்னுற்று ஏழரை விழுக்காடு
காக்கப்படும்
புயல் மழை நெருப்பு
பூகம்பம் தொடராமல்
பாதுகாப்பு வளையம் போடப்படும்
அதில் பரக்கத் விதைகள் தூவப்படும்
இருக்கை நபிமார்கள்
வரிசையில் போடப்படும்
சொர்க்க பூமியில் விற்கப்படும்
உங்கள் பெயர்கள்
முன்பதிவு செய்யப்படும்
ஜகாத் வழங்கும்
சீமான்கள் தமக்கு
அல்லாஹ்வின் திருமுகம்
காட்டப்படும்
ஏழைகளின் வரியை
வழங்காத பேர்களை
வானிலும் மண்ணிலும் ஏசப்படும்
நரகில் தனியாக
நெருப்பு மூட்டப்படும்
சேமித்த வெள்ளியைக் காய்ச்சி
சென்னியில் சூடு போடப்படும்
தங்கத்தை உருக்கி
சேறாக வாயில் ஊற்றப்படும்
காசாசை என்னும்
தீராத புற்று நோய்
கல்புக்குள் வளராமல் வெட்டப்படும்
கருமித்தனம் நெஞ்சில்
வளராமல் கட்டுப்படும்
இல்லாத இல்லை
என்கின்ற லட்சியம்
இதனால் மட்டுமே எட்டப்படும்
இதை ஏற்காத
சமுதாயம் வெட்டப்படும்
